أفضل 5 افلام خيال علمي هاتشوفهم في حياتك - Top 5 Sci fi Movies you will ever watch in your life

أفضل مسلسلات لـ نتفليكس لازم تشوفها
https://www.youtube.com/watch?v=yX-Z5347uIs

Facebook https://www.facebook.com/Yakoting
DON'T CLICK THIS LINK : https://www.youtube.com/Yakoting/?sub_confirmation=1

لاعلانات الاصليه - the original trailers
5 - Children of men
https://www.youtube.com/watch?v=2VT2apoX90o

4 - Gravity
https://www.youtube.com/watch?v=OiTiKOy59o4

3 - The Martian
https://www.youtube.com/watch?v=ej3ioOneTy8

2 - The Island
https://www.youtube.com/watch?v=yuLjZujKNmE

1 - Interstellar
https://www.youtube.com/watch?v=zSWdZVtXT7E

--------------------------------------------------------

افلام الخيال العلمي بتختلف عن باقي انواع الافلام الي بتشوفها عشان انت لازم ولو لفتره انك تصدق القصه الي انت بتشوفها برغم انها قصه مش حقيقيه
ده بيبقى تحدي للمخرج وكاتب القصه والممثلين انهم يقنعوك ان الي انت بتشوفه ده حقيقي مش خيال
معاكم محمد ياقوت من كوكب الارض من قناة أحسن خمسه و هاقولكم على احسن خمس افلام خيال علمي الي ممكن تكونو ماشوفتوش على الاقل واحد منهم

رقم 5 شيلدرن اوف مين
الفلم ده بيتميز بفن التصوير الجبار والمشاهد الطويله الي اتصورت بكاميرا واحده وبجد هاتحس بمتعه وانت متابع المشاهد دي
الفيلم انتاج سنة 2006 بس صدقني هاتشوف اخراج قوي جدا وهاتحس انك بتتفرج على انتاج واخراج 2017
الفلم حصل على تقييم 7.9 على الاي ام دي بي واترشح ل 3 جوايز اوسكار
الفيلم بطولة كليف اوين ومن اخراج الفونسو كوارون
وهو المخرج الى عمل فيلم جرافتي الى هو رقم اربعه معانا في اللسته وهاتلاحظ نفس طريقة التصوير والمشاهد الطويله رغم انه انتاج 2015 ا
الي بيميز فيلم جرافتي هى المزيكا والمؤثرات الصوتيه الي هاتخدك في عالم تاني وهاتعزلك عن العالم الي انت عايش فيه
انصحك انك تشوف الفيلم ده وانت لابس سمعات كويسه وتكون معلي الصوت عشان لو معملتش كده هايفوتك نص الفيلم
الفيلم حاصل على تقييم 7.8 على الاي ام دي بي واخد 5 جوايز اوسكار بحالهم
الفيلم بطولة ساندرا بولوك وجورج كلوني والاتنين دول انا مش محتاج اعرفك عنهم
رقم 3 معانا هو ذا مارشيان
الفيلم ده يعتبر فيلم درامي وتشويقي اكتر ما هو فيلم خيال علمي
هو بيحكي قصة واحد اتزنق في كوكب المريخ لوحدو
ماتخفش انا كده ماحرقتش القصه عشان القصه هاتبتدي من ساعة ما يتزنق
الفيلم مؤثر جدا ومات ديموند الي هو بطل الفيلم هايسيطر على مشاعرك بس انت سيبه يسيطر وهاتتبسط
الفيلم حاصل على تقييم 8.0 على الاي ام دي بي واترشح ل 8 جوايز اوسكار
الفلم بطولة مات ديموند واخراج ريدلي سكوت الي أخرج فيلم ألين سنة 1979
الفيلم ده الى اخترعلنا شكل الالين ابو دماغ كبيره وسنانا وحشه ده
رقم 2 معانا هو فيلم ذا ايلاند
الي بيميز الفيلم هى القصه المميزه
هى قصه فريده من نوعها ومحتاجه شوية تركيز عشان تفهمها
الفيلم انتاج سنة سنة 2005 بس رغم كده فا اخراجه كويس جدا زي ما انتا شايف
وده يرجع لفضل المخرج العبقر مايكل باي الي مشهور بالفراقيع الكتير
بيحب الفراقيع جدا مش عارف ليه بس بجد هو مخرج عبقري وهو مشهور بسلسلة ترانسفورمرز المعروفه
الفيلم حاصل على 6.9 على الاي ام دي بي مش معنى كده انه قليل
اتفرج عليه واحكم بنفسك
الفيلم بطولة سكارلت جونسون الي بسها عمرو واكد وايوان ماك جريجور
والفيلم رقم واحد معانا هو انترستيلر
تقريبا معظمنا شفنا الفيلم ده ولو ماشفتوش فا لازم وحتما انك تشوفه
بس ارجوك ركز اوي معاه عشان لو استهونت بيه مش هاتفهم اي حاجه
انا مافهمتش حاجه ... لحد ما شفته تاني وركزت
الفيلم فيزيائي بحت وبيوضحلك حاجات ممكن تحصل بجد لو عملنا نفس الي اتعمل في الفيلم
الفيلم متصنف خيال علمى على الرغم انه بيقول كلام ممكن يحصل بجد
الفيلم انتاج سنة 2014 واخراج المخرج المفضل بالنسبالي كريستوفر نولن الي اخرج سلسلة باتمان
المخرج معروف بأفلامه الي مابتتفهمش زي فيلم انسيبشن
تقييم الفيلم على الاي ام دي بي 8.6 وده تقييم مايخدوش اي فيلم
الفيلم حصل على اوسكار احسن مؤثرات بصريه وحصل على 43 جايزه تانيه بس مش اوسكار
قام بدور البطوله فيه ماثيو ماكنجاي وادائه كان جبار واثبت انه فعلا ممثل مش طبيعي بالذات في مشهد الفراق
وبكده انا خلصت واتمنى ان اكون عرفتك على فيلم او اتنين انت ماشفتهومش
ولو انت شفت كل دول يبقى استنى الفيديو الي جاي وبإذن الله هاتشوف افلام تانيه تعجبك
لو عجبك الفيديو دوس لايك لو ماعجبكش دوس لايك بردو ولو عايز تشوف فيديوهات تانيه زي ده اعمل سابسكراب وهايكون في فيديو اسبوعيا انشاء الله عن احسن خمس حاجات من اي حاجه